(Adventu a k’thunak) December k’cha 18 hngüp ung ng’yak vai a mong
Yèisu Khrìstù ah ngshòòn cu shinkchà ah kya ci. A nú Maria cu Joseph on om khai goi ah ami béit pyi te. A täng ah kä ani om pha ung, htíthéing ca Muh Kkhaanpùghǘ ah myung on Maria cu kyämah pyi ci. A kchààng Joseph cu ni ci ah ngshúng ci ah kchààng ah kya ne Maria ah ngmìng kä mdí hlǜ ne düüm ah nong ba khai ah ngngài lo ci. Cun ah a ngngaih-tüh yah ung, Kkhaanpùghǘ ah ngshä̀ kkhaanhtapup no a ngmang ung a mcä̀i lo ne “David ah htá Joseph o, na kchààng Maria na ompüi vai ah kä kyǜ èin ä. A i ah kya hleih cii ung, ani ung ngtǜi lo ci ah a khmó cu htíthéing ca Muh Kkhaanpùghǘ ungka néi kya ci. Kpámíhtá ah htá lo khai. Ani cu Yèisu ci ne a ngmìngna hlui vai. A i ah kya hleih cii ung, ani no a kchààng gùi cu ami kat ungka kphyón lo gùi khai,” ci ci. Cun ah mòòng gùi avan cu Kkhaanpùghǘ ah kcengshä̀ ah pyéin a ngkyǜǜmpä̀ä̀ng vai ah phäh ah kya ci. A pyéin gùi cu “Teng vä. Nglàmí htá kyämah ne kpámí ah htá lo khai. Ani cu Emmanuel cii ah chü khai gùi” cii ah kya ci. Emmanuel ci cu ‘Keimi on om tu ät ca Kkhaanpùghǘ’ cii hlǜ ah kya ci. Joseph cu ngshǜǜm lo ba ne kkhaanhtapup ah mcä̀i ah hlo ah Maria cu a kchú ah mhtéi ci.
Khanpughü noh khanhtapup Numaria ah om nak ah tüi ne ng’thu thai ah m’ khäh ah ng’yak vai mong ung Bä ciah Joseph am David ah hta Joseph ci ne ng’dang khai ah a pyeing mi hnguh ciah kya ci. A pyien hlü cu Khanpughü noh David am a pyein man a k’be peit ciah k’phlan ciah kya ci. Khanpughü noh a peit ah tarvon kä kyüh ein ne a lak vai ah khanhtapup noh Joseph pyein Bä ciah Joseph cu Khanpughü a k’chü ng’ngai ciah kya ci. A cun ah khanpughü ah a pyein a ng’ngaih ung ka noh tün ne Bä ciah Joseph cu k’chang ah kya nak ci tu ciah hta Khanpughü ah thuk ciah mong ung pa tu ciah kya ci.
