Pope Leo XIV noh “Kho m’dek noh ng’khai ci gui ah Maamah gui ng’yak hlü ci.”

Monday k’hngüp ung Pope leo XIV cuh Carmelite maamah ng’toi, St.Catherine maamah ng’toi, Salesian maamah gui lah St. Paul maamah gui noh lo neh hnguk lo ci gui. A cun a ami hnguh lo yah ung Papashangpughang noh ng’tha gui a peit nak gui ung” A u noh ni bä nak a hngumi hnguh khai ang? A ni ah a phu cuh däm ca kya ci (Proverbs31:10 ) ung kah la neh tah maamah gui cuh m’cäi gui ci ah kya ci. Bawi Jesu ami yum nak on khäng thek hleih ami om vai cuh k’taigü nak, Bawi ah shi hla m’hlüm tai nak, Bawi on ng’ge nak lah ng’thu k’ni on ghin nak cuh a k’tung pi ah kya ci. Bawi ung ka noh lo ci ah k’tha gui on bi ami bi vai lah kho m’dek noh ng’khai ci ah maamah gui cuh ng’yak hlü ci” ci neh pyein nak gui ci.

Carmelite maamah gui on ” Nangmi cuh Holy Land ung om neh nami k’taigü cuh a kya ni ci. Dim kyap nak vai a k’tung pi ah k’taigü vä. K’taigü nak on ning ät püi gui nei. A cun on yaica ci gui on phih kami ät tu ci” ci neh pyein nak gui ci.