Ng’hteik ci ah lam ung hteit vai.

Htí-théing ci-ah ng’khaw, ui àm kä péit  vai. Nami ng’mo, vok àm, kä ghoh eìn vä. Cun-ah nami ci-ung, a khaw awn leh hleih, ng’hlit-ah ning vòi bà gùi khai.

K’Chàng gùi nawh ami ning kianák gùi vai nami ng’zák hlü-a hlo-ah, nami mät nawh phih k’chàng gùi  kianák gùi vä. Cun cuh, m’cäi cã lah ce ng’sä gùi-ah ng’zák hlü-ah kia ci.

Ng’Htéik ci-ah m’kot ung lut vä. A i-ah kia hleih ci ung dínák täng-ah lam ci cuh ng’song ci. M’Kot ng’song hleih, lut ci gùi phih dá ci gùi. Ghinnák täng-ah lam ci cuh ng’htéik ci. M’kot  ng’htéik hleih, hnguh ci gùi kèn ci.