Bä ca Paulinus
Bä ca Paulinus cuh Nola Mang-Go ung Sayataw ah Kya ci. Ani cuh kum (354) Bordeaux, Gaul ung ng’tüiom tu ci. Ani cuh ak’hmohta yah ung ge nikca hmohta tumat ah kya ci. Ng’vai lo hta neh ang’mingthang ca Kapyasaya Osoniuis ah hnguhmat nak gui ng’theing’thang tu neh k’chànghei gui ah tah hnguhmat pi ca kya lo ci.
Bä ca Paulinus cuh kyomhtang ca kyutthen nak gui, ng’hnipng’ä ca m’lungni ak’tha gui lah k’chàng päng agun tu nak awng k’chàngda noh yeikyai nak ci gui ci ah Bä ca Jerome noh pyein man ci.
Ang’vaik’chàng ah kya ca aPa ah hgünthung neh Italy ghungkhaw, Spanish ghungkhaw lah French ghungkhaw gui ung ang’vaik’chàng ah kya lo ci.
Ani cuhTherasia ciah hngumi awng ng’chum ni neh kum (390) ung Aquitaine ciah ng’plong neh om ci goi. A cung ah Mang-Go ung Alpitose ciah Sayataw ah kutung m’shinak sacramentu la tu ci goi.
Htak’pa tumat gah tu te ci goi shih e hlä Bä ca Paulinus lah ak’chu cuh hteithein ca ghün om nak ung om ni neh ani khohtang gui yawitu neh k”Chàngdu gui awng pektak nak bi ci goi. Bä ca Paulinus cuh k’chàngda noh ng’yahhlü u hleih Basilona ung Boiphaya tumat ah ng’khan tu ci.
Bä ca Paulinus cuh ak’pogui awng Lepe,Pola ung om u neh Duyai ca k’chàng gui m’hteim’hta gui ci. Bä ca Felix cuh m’tamkhat nah guthein ci.
Bä ca Paulinus cuh k’chàngda noh Yeina u neh Pola Mang-Go ah Sayataw a ami hmoh. Bä ca Paulinus cuh K’chàng gui a nibänak gui abi ah ung Kum(431) ung shih ci.
