Bä ca Emily de Vialar
Bä ca Emily de Vialar cuh Sisters of St.Joseph of the Apparition ng’htawi m’düh ca Bä ca k’chàng tumat ah kya ci. Ani cuh kum (1797) 12th September ung French Ghungkhaw. Gaillac MangGo ung ng’Büng’mangk’chàng ImGokhui ung ng’tüi om lo tu ci. Ani cuh ang’vaipi ng’hngumihta ah kya ci.
A khokum (13) ung Paris ah om tu ci. kum (2) lo helih aim ah lo ba ci. Anu shit lo helih ami im ung mangmong nak neh bilo lok khai hlü lo ci.
Bä ca Emily ah aba noh ani cuh ceimah hlak hlü helih Bä ca Emily lah aba cuh ng’utuk nak om lo ci. Bä ca Emily cuh nikyom helih hlünhlak neh om hlü te ci, acun ah nikyom nak gui cuh Khânpughi am Düm a gänup ci.
Bä ca Emily cuh Khânpughi a m’yum-aa awng Htitheinca Muh ah Mikhngu gah ci. A cun ah Mikhngu nak ung BoiYeisu ah hmalim gui cuh Boiyesu noh a muh.
French Ghungkhaw ami pyantham ba ah ung Gaillac ah Kum (15) Bä ca Emily noh ak’hmohta gui bum gui neh Ca m’thei gui ci. Gawpai k’chàng gui cuh m’htei gui ci. Dudaw k’chàng gui phih Gu tu gui ci.
Kum (1832) kum ung Ami khohtang gui cuh Bä ca Emily ah aPughi noh ani awn apeit. A cun lah Bä ca Emily aPa a Im ung ka noh aphe htiet ci.
Akhotang aom gui phung Yawitu neh Imnu tumat ung ak’teihpü gui awn Nica bi gui bi ci gui. k’chathum sho lo helih Ami k’Taigü mang noh Bä ca Emily lah apo (12) cuh mamah gui ah ami kya vai dok’chang nak bi ci. Bä ca Emily noh khânpughi ah monglam k’thana neh abi lo nak ong St.Joseph ahtinkai cu phih hlungtai lo pihti ci.
Kum (1856) August 24. Marseilles ung Bä ca Emily cuh Shih helih acu kum ung ngami ah cong gui cuh (42) om pyin ci. Bä ca Emily ah kyähla cuh kä di heilh om ci.
Kum (1951) ung Bä ca Emily de Vialar cuh Papashàngpughang Pius ( XII) noh Bä ca k’chàng ah amüt.
