. “Cãesar àm k’phlám péit vai ang? Kä péit vai ang?

Jesu-ah k’chü ami ’kõih vai gùih-ah, pharisee gùi lah Herod-ah k’chàng gùi ung-kah, a m’sah cuh, Báwi-am tüih ci gùi. Ngami lo u neh, “Saza ng’vái aw, nang cuh, a k’càng na piéin ci-ah k’chàng, a u phih kä na kiüh à cuh, keimí kami hmat ci. A i-ah kia hleih ci ung k’chàng kä kiüh à neh Khãnpùghí-ah hman ci-ah lam cuh, na m’thei ci. “Cãesar àm k’phlám péit vai ang? Kä péit vai ang?” ci neh ng’si ci gùi. Jesu nawh ami thù-vì hmat neh, “A i-ah kia hleih nangmi nawh kei, nami na ci aih ci ang? Ka hnguh vai-ah, ngùi-tàng-kà  tumat lo püí vä,” ci neh sàng gùi hleih ngami nawh lo püi u hleih “Sin-ah gup lah ng’ming cuh, a u ka ang?” ci neh ng’si gùi ci. Ngamí nawh, “Cãesar-kah,” ci neh piéin ci gùi. Jesu nawh phih, “Cun-ah a kia-ung, Cãesar kah cuh, Cãesar-àm, Khãnpùghí kah cuh, Khãnpùghí-àm pe bà vä,” ci neh m’sàng bà gùi ci. Ngami phih cäi ci gùi.