U nawh phàn hleih a m’thei m’tháng  ami ng’si.

Jerusalem-ah gok bà mä ci gùi. Khàw im ung a hteh ghüi zah ung k’tài-gü ng’vái pí gùi, k’chü m’cäi k’süm gùi ni, k’chàng ng’vái gùi nawh k’et u neh, sin gùi cuh, a i ã-awn na bi ci ang? Sin gùi na bi vai-ah, a u nawh ning phàn hleih ang?” ci neh ami ng’si. Jesu nawh m’sàng bà gùi neh a piéin cuh, “Kei phih k’chü tumat ka ning ng’si tu bà gùi khai. Nami na m’sàng bà thei-ung, sin gùi cuh, a i ã-awn ka bi ka ning m’thein gùi khai. ‘Johan-ah m’sinák cuh, Khãnmòpí-a kah ang?’ k’Chàng gùi-a kah ang? Kei na m’sàng süm u’” Ngami ami mät gùi ami ng’ngah-tüh piéin u neh “Khãnmòpí-a kah mi ci-ung, a i-ah kia hleih ani kä nami zùm, ci khai. K’Chàng gùi-a kah, ci ung k’chàng gùi kiüh vai ah kia ci. k’Chàng van nawh Johan cuh, ce ng’sä-ah kia ci-ah zùm ci gùi. Cun-ah kia hleih ‘kä kami hmat ci,’ ci neh Jesu-am piéin bà ci gùi. Jesu nawh phih, “Sin gùi, a u-ah m’cäi täk-awn ka bi, nangmí-àm kä ka piéin khai,” ci neh m’sàng bà gùi  ci.