Sr. Francisca Aung Leng a Khanpughi ah bi a bi nak kum 25 be ci.

Franciscan Missionary of Mary ciah FMM Maamah Francisca Aung Leng Khanpughi ah bi a bi nak tu kum 25 be hleih Khanpughi shüm hmat nak cuh May k’cha 21st, 2026 ung Khawk Tha pigo ah bi ci gui ah kya ci. A cun a bi nak ung Bawiphaya Ghüng Thang noh khong mang hleih Missa gänap nak cuh Bawiphaya Ling Maung on gänap ci goi ah kya ci. A cun ung Bawiphaya Ghüng Thang noh Mamah Aung Leng a phäh a Khanpughi shüm hmat nak lah k’hmok tho hngumi hta gui Maamah a mi kya tu vai k’tha gui pe gui ci. Missa gänap nak ng’phleh lo hleih Mamah m’hlüm tai nak bi ci gui. A cun ung Mamah Aung Leng noh Khanpughi ni, Bawiphaya Ghüng Thang ni, Tamahsaya gui ni, Yumtubum gui avan a shüm hmat nak pyein ci. Maamah kya lo tu khai gui kavai k’taigü vai lah k’tha nak vai gui cuh pyein hlak ci. A cun on a k’hngüp ei ei nak on Silver Jubilee cuh m’chüip ci gui a kya ci. Khanpughi a bi a shih güt chüt hleih a bi tu vai avan noh k’taigü pek ci.