Avan a tah na m’hngi tu ba ne ang?

Ei ami ei kòn-ah, Jesu nawh, Simon Petru àm, “Johan-ah htá nang Simon, sin gùi-a tah, na nà m’hni tu bà ci ang?” ci ci. Ani nawh, “Ä, Báwi aw, ka ning m’hni cuh, na hmat ci,” ci ci. Jesu nawh, “Ka htò gùi na m’htah vai” ci neh ani àm piéin ci.         Báwi nawh, a k’hngih veinák-ah, “Johan-ah htá Simon aw, kei na nà m’hni ci ang?” ci ci. Ani nawh, “Ä, Báwi aw, ka ning m’hni cuh, na hmat ci,” ci neh piéin ci. Jesu nawh, “Ka htò htá gùi na m’htéi vai,” cinak ci. Báwi nawh phih, “Johan-ah htá Simon, na nà m’hni ci ang?” ci neh a k’thum veinák-ah, ani ng’si bà ci. “Nà m’hni ci ang?” ci neh k’thùm vei, Báwi nawh ng’si hleih Petru cuh, thüì neh “Avan na hmat ci. Ka ning m’hni cuh, na hmat ci,” ci neh piéin ci. Jesu nawh, ani àm piéin neh, “Ka htò gùi na m’htah vai. Nang àm a k’càng-ah ka piéin cuh ‘Na k’hmó zah ung na mät ng’hlui ng’hlah neh na htehnák hlü-ah na hteit man ci. Na ghü lo ung nakut na k’säng khai. A hei tumat nawh ning m’hlui m’hlak neh kä na htehnák hlü-ah ning hteh püi khai,” ci neh piéin ci. Cun-ah a piéin cuh, Petru, a i-a hlo-ah sih neh Khãnpùghí-ah bänák a m’dáng vai cuh a piéin hlü-ah kia ci. Cun kon-ah, Petru àm, “Na läk-ä,” a cinák.