(Adventu a hngih vei nak )December k’cha ghalei k’phli hngüp ng’yak vai ah mong (Mt 17:10-13)

Cun kòn ah a hluläk gùi no “Cun ah a kya ung, a i ah kya hleih kchümcä̀ikshǜm gùi no ‘Elijah lo mà khai’ ami ci ang” ci ne ngshi u hleih Bói Yèisu no “Elijah lo ne ngmǜng van a pyaanthám ba vai cu a kcàng néi. Nangmi am ka pyéin cu Elijah lo pyi ci. Kchààng gùi no ani kä hmat u ne ami ci hlǜhlǜ ah ci ci gùi. A cun ah hlo bä̀ ah kchààng ah htá cu ngami ah kut ung myáimca kshékdamnák gah lo khai” ci ne pyéin ci. A cun kòn ah tuikphùm Yohàn ah mòòng a pyéin cu a hluläk gùi no hmat lo ci gùi.

Boi Yesu noh k’chang ah kya nak lak ne khaw m’dek ah khan na a k’tüi om lo cu ng’müng van ah ta hläng tai pi bäih ciah kya ci. Mi mi khaw m’dek k’chang gui cu mi mik awn mi hnuh ghing gui vah cang ne bä ci ah mi ng’ngai ciah kya ci. Mik awng kä hnguh hnging ah kya ciah na phyion gui ciah Boi ah ng’tüi lo cu cang ki ah ng’tüi om lo ki ci cu mi yum ne a ni a mi do tu vai hlü ci.