Jesu nawh a hteh tá gùi vai lah, Paracletus a lo vai-ah màwng.

Mi om-èi ät ci-ah kia hleih sin-ah màwng gùi cuh a hlan kä ka ning m’thein tu gùi man te.  Tuh-bäih, kei cuh, na tüi ci-ah Pá-ah ka hteit bà khai. “Ahòi na hteit khai ang?” ci khai, nangmí ung tumat phih kä om ci.  Cun-ung phih, sin-ah piéin-ah phäh-ah, m’lùng-ah nami thüi ci.  Cun tu pang-ah phih, nangmi àm a k’càng-ah ka piéin cuh Kei, ka hteh bà cuh nangmí kavai ni pí khai. Kei kä ka hteh bà ung (Htí-théing ci-ah Muh) Paracletus cuh, nangmi gùi-ah kä lo vai hleih néi. Ka hteh bà ung vah, ani ka ning tüih lo gùi khai.  Ani a lo ung khaw m’dek k’chàng gùi-ah om ng’sak cuh phlèh pe neh, ni càng séit-kat-ah a màwng ni, k’phiùn tam vai-ah a màwng cuh k’hmuh gùi khai. Séit-kat cinák-ung, kei nami na zùm dám-ah phäh-ah néi.         Ni-càng cinák-ung, ka Pá-ah ka hteh bà ung kä nami na hnguh lo bà khai-ah kia hleih néi. K’Phiun tam cinák-ung, sin-ah khaw m’dek mãng gùi, k’phiùn tam gùi-ah kia hleih piéin néi.