Bä ca Dominic Savio

                                        Bä ca Dominic Savio cuh k’Hmótho gui noh ami äp vai, lam k’ni m’shüm gui ca Bä ca k’chàng ah kya ci. A ni cuh kho kum gha alo ah ge ung khànpughì kyüh-a ca k’hmóhta ah kya ci. Salesian ung Bä ca John Bosco ah m’thei m’cä nak läk tu neh ghüng om ca k’hmohta ah kya ci. Bói  Yèisu noh a pyéin te yah “ A k’hmó gui kei ah lo u hlä. Ngami kä hüng èin gui vä. A I ah kya hleih ci ung K’khangmòpí ghünkhò cu shin ah hlo gui ah khò ah kya ci. Nangmi am a k’cang ah ka pyein cuh k’khangpughü ah ghünkhò a k’hmó htá vai hlü ah kä dò ci cuh kä lut tu khai.’’Cun kòn ah a k’hmo gui k’pom gui ne ami lu k’khan ah a kut taih ne Khanpughü ah nibä nak m’tam pe gui ci.(MK 10;14-16)

Dominic Savio cuh Italy ghunkho,Riva pigo hta ung 1842 kum April 2 k’hngüp, ng’tüi ci. Ani cuh dudawng k’chàng tùmat ah kya lang neh phih nikca ,khànpugü kyüh-a ca kyongkhui ungka  kya ci. A khokum (7) ung Bói Yèisu Christu ah Shi Hla Sacramentu gah tu ci. Nu Maria cuh Yi-hngei upa ca k’hmohta ah kya ci. A khokum (14) ung shih ci.