Ng’Sùn chei ng’sùn lah a ng’bàn gùi.

 Kei cuh ng’sùn chei ng’sùn man-ah ka kia ci. Ka Pá cuh a cun k’hlung neh gä piàng ci-ah kia ci. Kei ung kä ng’theih ci-ah a ng’bàn phùng cuh gheim lo khai. Ng’theih ci phih a ng’theih lo pí htí vai-ah, k’hteih neh gä-hlèi piàng-tham khai.              Ka ning m’thein gùi zah-ah k’chü-ah phäh, ng’gä ng’hlèi neh nami kia ci. Nangmí ung ka om-a hlo-ah, kei ung om vä. A ng’bàn cuh a ng’sùn k’túng ung ka nawh a om tu hngá ung a mät kä ng’theih hnging-a hlo-ah, nangmí phih kei ung kä nami om-ung, kä nami ng’theih hnging khai. Kei cuh ng’sùn chei ng’sùn man-ah ka kia ci. Nangmí cuh, a ng’bàn gùi-ah nami kia ci. Kei na om na hleih kei nawh phih ka omnák cuh a k’däm-ah ng’theih khai. A i-ah kia hleih ci ung kei ung-kah nami hlit ung a i kä nami ci hnging khai. Kei ung kä om ci cuh, ghoh-ah ng’bàn-ah mäih-ah k’chong khai. K’Chong hleih k’chàng gùi nawh m’hlèm neh mei ung ami k’htóm ung phiäp khai.  Nangmí cuh, kei ung om u ci hleih ka k’chü cuh nangmí ung a om ung nangmí nawh nami ng’zák hlü päng, nami san ung nami gah khai.  Ka Pá-ah bä thángnák a ng’dáng vai-ah, nangmí cuh, a kia-ah ng’theih u neh ka k’chàng-ah nami kia vai.