Kei na m’hni ci cuh, Pá nawh m’hni bà khai.

Ka m’cäi ng’ngài neh läk ci cuh, na m’hni ci-ah kia ci. Kei na m’hni ci cuh, Pá nawh m’hni bà khai. Kei nawh phih ani cuh, m’hni neh ani àm ka mät ka k’hmuh khai.  Judas (Iscãriot-ah kä kia ci) nawh, “Báwi aw, i-ah kia hleih na mät nawh, na mät khaw m’dek àm kä k’hmuh neh kei mí àm na nà k’hmuh gùi hlü ci ang?” ci neh Báwi cuh, ng’si ci.  Jesu nawh, ani àm piéin neh, “Kei na m’hni ci nawh, ka k’chü ng’ngài khai. Ka Pá nawh, ani cuh, m’hni khai. Keimi gùi phih, ani lona u neh ani kami omnak khai.  Kei kä na m’hni ci nawh, ka k’chü kä ng’ngài ci. Nami ng’zák-ah k’chü cuh kei-ah k’chü-ah kä kia ci. Na tüi lo ci-ah, Pá Khãnpùghí-ah k’chü-ah kia ci. Ka ning om püi gùi zah ung sin-ah màwng gùi cuh ka ning m’thein gùi ci. Kei-ah hngün ung Pá Khãnpùghí nawh, kei ah ng’ming awn a tüih lo vai-ah, Htí-théing ci-ah Muh, Paracletus nawh, avan ning m’thein gùi neh ka ning m’thei gùi man-ah màwng cun phih, ning süm lo bà  hlak gùi khai.