Avignon mânggo ung ka bä ciah Benezet ah ghünlu a mong

Bä ciah Benezet cu k’hlei m’don ne lam pyang ciah bä ciah k’chang tumat ah kya ci. Savoy kho ah hto gui m’htei ne vuh m’htah ciah Benezet cuChristu kum 1178 ung Pyinhtit kho Avignon ung ng’plon ne Rhone tui nu ah khan ah k’hlei a m’don vai cu a í hok cha ah a m’don vai ci-ah m’dang nak gah ciah kya ci. Noeiv ai hlü ah a ni cun phih a ni ah ghünlu ung a cun ah däm ciah bü ceng nak ci cu k’chang gui am a hmat hlak vai ah phäh ah buiawt nak gui a hlü hlü om ciah kya ci. Cun tu pang ah phih a k’hngu ah k’hlei a m’don nak hnging vai ah hlü ci gui ah gunhtot nak gui cu gah ciah kya ci. Benezet cu a pyan ah k’hlei kä ng’päng pha hleih shi ciah kya ci. A nis hi tu lang pang hlei phih a leng ghüt ah k’hleih cu ng’päng khai ah k’däih ne a mi bi ah kya ci. A cun ah k’hlei bi ci gui no Bä ciah Benezet no a pyan ghüt ah k’hlei ah hlo ah k’taigü nak vai ah ng’bum im tumat co u ne ta a cun ah k’kyong ah Bä ciah Benezet ah a gok cu a mi k’phuh ah kya ci. Bä ciah Benezet ah a gok cu a cun ah ng’bum imu ng kho kum 500 hlok om ciah kya ci. Christu kum 1669 ung tui däm lo ne a cun ah hlei dí yop ne Bä ciah Benezet ah gok cun phih tui no a the ah kya ci. Tui no a the ah gok shui ba ci gui no a mi hnguh ba yah ung Bä ciah Benezet gok cu kä dí kä thu ein hleih hngu ba u ne a kya ah cäicat ci gui ah kya ci.