Khanpughü-ah bi a bi nak kum (25) be ca Ma Mah Theresa Ghüng K’chei Hnging-ah Jubilee Poi

K’kahnpugü-ah bi kho kum (25) güt chüt hleih bi lo ci-ah k’shet pigo-ung-ah ma mah Theresa Ghüng k’chei hnging-ah Jubilee poi cuh k’shet pigo St. Paul yumtu ng’bum im-ung April k’cha a cheit hngüp-ung bi ci gui. Cun-ah poi cuh Msgr. John Om Se noh khong mang neh Missa gün ap ci. A cun-ung k’shet pigo-ung om ca Bawi phaya Aloysious Naing Shui, Bawi Phaya Timothy Ling Moung, Fr.Mathew Ling Kee, Fr.Michal Aung Ling ni noh missa gün ap tu ät ci gui.

Msgr. John Om Se noh “Khanpughü noh a ghü a ghüh nak ani lei kä gah tu ci, ani lei gah ci ci cuh kä cang ci. Khanpughü-ah ni bä nak cuh däm ca kya neh mi van na yei na gui neh ani mi läk tu vai-ah na chü gui ci. Mikmi noh yei neh mi läk vai lah mi hteh taa vai cuh mi mät noh mi ghü vai-ah na m’om gui ci. Khanpughü-ah bi bi tu vai cuh vuuk nak gui ak’da om ci. K’pung-ah ka noh vä neh dan tu ci noh ni tu hnga ci ngami leih ak’cum-ah yei neh om khai gui, vuuk nak kat nak, yaica nak gui kä om tu khai ci neh pyein hngo khai gui. Va ghü lo güt ng’vai gui-ah ami na beit ng’ngai neh ami na m’caw m’thei yum tu kheng geng neh om cuh Khanpughü shum chuk nak ak’cum-ah kä om-ung kä bi tu hnging vai-ah kia ci” ci neh pyein ci.