Papa Shangpughang ah ng’thu

Boi Yesu ah ghün lo ba nak ah k’hngüp cu Khanpughi no kho m’dek a tüipyan yah ah a k’htük pi k’bäih tüipyan nak cu na chü ba gui ciah kya ci. Boi Yesu shih nak ung ka na a ghün lo ba nak ah poi ah kya ciah Ester no mi mi gui ng’ngaih u nak a ngoi ah phih kä ng’kya ein khai ah na k’hmon pe gui ci. Boi Yesu shih nak ung ka ghüng lo ba ci a mong Ester no a thähla cu a ngoi ah phih kä ng’kyak hnging khai ah ng’ngaih u nak, a ngoi ah phih kä k’hngüp khai ah a k’khang, a í no phih kä k’hmaih hnging khai ah yeikyai nak a k’be cu mi mi gui am na m’shüm gui ci. Tüipyan nak a van cu a k’khang a k’thai awn däi cang ciah kya ci. m’hlüng m’tai nak ah ng’äi ung a om ah hlo ah Boi Yesu cu shih nak ung ka ghüng lo ba ne Boi awn a täng ah mi mi gui phih ghünlu k’thai awn mi ghüng tu ba khai ah kya ci.  Ester poi cu yeikyai nak a k’be lo püi ciah kya ci. Boi Yesu shih nak ung ka no a ghün lo ba nak ah Ester no a thähla cu mi mi gui ah ghünlu ah thûk ci lah ngoiä shüm lä vai ah a mong gui cu k’pom ciah kya ci. Mi mi gui cu a kya ah mi m’lung ng’kya ne mi thüihlei yah ung hngo Ester poi no a k’cum ah ng’ngaih u nak na pe gui ne a k’khang na m’shüm gui ci.

Source: Vatican News