Bä ciah Lucy ah ghinlu a mong

A mik kä hnguh ci gui ghung m’htei ciah bä ciah Lucy cu Christu kum 283 ung Italy ghunkhaw, Syracuse maanggo ah ng’büh ng’ mang k’kyawngkhui ung ka noh ng’tüi ciah kya ci. A k’hmo yah ge ung tün ne ghinlu a htitheing vai ah m’hlüngtai ne Khanpughü am düm hta ah gän ap man ciah kya ci. Syracuse maanggo ung om ciah pami hta tumat noh m’hngin yu ciah pyein hleih a cun Lucy noh a maa a phäh ah pami hta noh ng’aa ne m’lung she ne ta Lucy cu Christian ah kya ci ci ne  pyein ci ah kya ci. A cu yah ung Diocletion gui noh Christian gui yo k’kaa na u ne a mi dukde nak man yah ah kya ci. Bä ciah Lucy ah  m’hteng ciah  Christian ah a kya cu a m’lung nga a thonghlat lo vai ah phäh ah ci ne a cun nung om ciah m’gong pyein phupit k’chang hluki noh kä nik ki a mi bi nak ah im ah khahpüi hlak ne a plui ah a om hlak ah kya ci. Cun tu pang ah phih Khanpughü noh a m’lung kä ng’thonghlat ein khai ah k’thagui pe hleih a cun ah a buiawt gui cu m’chüt ne khe hnging ciah kya ci. A cun ah hlo ah a ni mei awn m’chih ne a mi ngon hlü cun phih kä aungtang ciah kya ci. A cun ah kya lo hleih ga k’kap gui noh Lucy ah mikui a ni ni k’hngih cu a mi pät peit ah kya ci. A cun ah ci tulang pang u hleih phih Lucy cu a müi hmai kyiom lo pi ti ciah kya ci. Christu kum (304), December k’cha (13) ung a hngügon ung k’khim awn m’chünpit ne a mi ngon ah kya ci.

Reference: Life of Saints (Written by Seminarians (Pyin Oo Lwin)