Papa Shangpughang ah ng’thu

Boi Yesu cu ng’tukah nak gui pheng ne ng’tukat ci gui ah k’taigü nak gui kä ng’ngai ci ci ne Papa Shangpughang Leo no pyein caih kya ci. Ghatghum nak gui no a k’ui yah ung phih Boi Yesu cu dìmkyäp nak ah Shangpughang ah kya ne a mät no a mät m’dang ciah kya ci. Boi Yesu no shing kang k’tung k’kot ne a hteh nak ah lum ung a peit tak ah a thüihleih yaica gui mi ng’ngahtüh ko. K’chang gui no ghatghum ne kalu mang ca nak gui a mi bi yah ung Boi Yesu cu  hngiphngäi nak ung khäng htek hleih om ciah kya ci. K’chang hei gui no k’chim ni, htung ni a mi k’shäi ah hlo ah Boi Yesu cu k’chang gui k’kyop khai ah a kut k’shäi ne na pe gui ciah kya ci. A k’hngüp nak lah shih nak no a ni a k’bui yah ngo ung a hngun lah a k’khang awn kho m’dek khan ah lo püi khai ah lo ciah kya ci. Boi Yesu cu Pa Khanpughi ah k’coi ung khom’dek lo püi ne Khanpughi lah mi mi gui ah mi ng’phei ng’et gui ung ka no na m’cha gui ci phung a van pyhek ciah kya ci. Boi Yesu ah k’chü m’gein nak ung dìmkyäp nak ung dìmkyäp nak lo püi ci ci cu m’dang ne na m’hnguh gui ciah kya ci. hlüläk ng’shä tumat no Taigü k’tung ah phan k’chang ah k’ngakoi âtpit ne ci hleih Boi Yesu no a hluläk ng’shä am a k’khim a k’châk vai ah pyein ne ta k’chim awn a ghünlu ghün püi ci cu k’chim mät awn shih khai ci ne pyein ciah kya ci.

Boi Yesu no shing ng’kang k’tung ah khan ah a shih vai ah a mi ngong yah ung a mät no a mät kä ghung ein ne htome hta vai hlü ah a mi ngong vai ah khapüi ne a mi ci ci läk tu gui düt ciah kya ci. Ghatghum ne k’chang ngonsheh nak gui a k’cum ah pheing ciah Khanpughi ah hmai m’dang ciah kya ci. Boi Yesu cu ng’tukah nak gui pheng ne ng’tukat ci gui ah k’taigü nak gui kä ng’ngai ci ci ne Papa Shangpughang Leo no pyein caih kya ci.

Source: Vatican News