Bä ciah Benedetta Combiagio ah ghünlu a mong

Bä ciah Benedetta Combiagio cu Christu kum 1791 ung ng’tüi ciah kya ci. A ni cu k’hngumi hta gui hnguh shim nak ung a mi hlüngtai vai ah bi nak ung khong mong ne bi ciah kya ci. A k’kyawng ah ka no a gunhtot nak awn Italy ghunkho ung yumnak lam ung bi ci gui ah ng’htoh tumat lah ca ng’thei nak ah kyawng tumat m’düih hnging ciah kya ci. K’hngumi hta gui no a mi gah vai lam gui ah kya ciah hnguh shim nak ung ng’päng hleih a mi ng’thei ng’thang nak tu hnging nak vai ah bi nak ung ma ah hteit ne bi ciah k’chang ah kya ci. A ni cu a khokum 20 a lo yah ung a kya ah cäicat vai ah thûk ciah m’dang nak cu hngu ciah kya ci. A cun ah m’dang nak a hnguh kon ah a ghünlu gänap ne k’taigü nak ung m’hteng ne a om hlü ah m’lung k’nga cu om kheng geng ciah kya ci. Christu kum 1818 ung a k’kyong ah ka Giovani Frassinello  cu ng’nu ng’be vai hlü ah htitheing nak awn om vai lah a k’kyong ah ka Giovani Frassinello  cu cancer awn yai caih kya hleih Benetetta ah a na Maria no a m’htei vai ah ät ne ni na u ne a cun ah a mi ci ah kya ci.

Ngani gui cu yumtu ng’bum ah ngoiä shümlä vai ah mong gui ung nga tu pi ciah ng’chu la goi lah nu lah pa ah ghüng om ci goi ah kya ci. Ngani cu duyai k’chang gui lah a mi nong düt ah a k’hmo gui ah k’chang ah a mi kya nak lah Christian ah a mi kya nak ah a k’tung pi ah hlü ci gui cu m’hlüm tai pe gui khai goi ah a täng ah bi bi ci goi ah kya ci. ei ok shon ci nak lah hlui hlak gui chui gui awn a mi ghünlu ami m’ghün nak hnging vai ah m’thei m’thang tu gui ci goi ah kya ci. Christian k’kyawng khui tumat ah kya ah m’düih khai gui am Christian ghünlu awn a k’ni ah a mi ghün om hnging vai ah lam shüm ne chühlo ci goi ah kya ci.