Juda nawh a k’tun vai piéin gé ci.

 Jesu cuh asin gùi piéin zop nehtah a ng’ngaih kä kiäp chü-tah a phlèh lo cuh, “A k’càng-ah ka ning m’thein gùi cuh, nangmí ung tumat nawh, kei na k’tun lo ’khai,” ci neh a ng’khái-ah piéin ci.  U bü neh a piéin cuh a-hlu-läk gùi nawh kä hmat u neh ng’teng tu kiu ci gùi.  A-hlu-läk gùi-ung-kah, Jesu-ah m’hni pí tumat cuh a pèi-ah ng’hngán hleih Ani àm Simon Petru nawh, “A u bü neh a piéin ang?” ci neh nüt neh ng’si ci.  Cun-ah kia hleih ani nawh Jesu ah ng’kiàng ung ng’hngán-èi bà nehtah “Báwi aw, a u ang?” ci neh ng’si ci.  Jesu nawh, “Kei nawh m’htut, m’síp güt k’bèi thùit na neh ka m’bei-ah k’chàng néi,” ci nehtah m’htut cuh m’síp güt k’bèi  thùit na neh, Simon-ah htá, Judas Iscãriot àm pe ci.  Cun nawh m’kà ät-ah èi chü-tah ani ung satan lut ci. Jesu nawh phih, “Na bi vai bi hlah-ä,” ci neh ani àm piéin ci.  Sin-ah Báwi nawh a piéin cuh ei vài tu-ät ci gùi ung-kah, u nawh phih kä k’síng ci. A i-ah kia hleih ci ung a m’sah nawh, Juda cuh, ngùi ng’it ’kot ci-ah kia hleih cu k’hngüp hlü khai gùi a k’hleih hlak-boh, kä cun ung dú-dàwng ci gùi àm i bo kù pe gùi-ä,” a ci boh, ci neh ng’ngài ci gùi.  Juda phih m’kà-ät a bai hlu hlu-ah va lut vü ci. Mü pi ci. Ani a luh lo kon-ah, Jesu nawh a piéin cuh, “Tuh-bäih, k’chàng-ah htá  m’tam-ah kia ci. Ani ung Khãnpùghí cuh, m’tam-ah kia ci.          Khãnpùghí cuh ani ung m’tam-ah a kia ung Khãnpùghí mät ung ani cuh, m’tam-ah kia neh ani nawh m’tam zä khai.