Bä ciah Colette ah ghünlu a mong
Bä ciah Colette cu lai bi k’chang ah hta k’hngu tumat ah kya ci. A ni cu Christu kum 1381 ung Pyinhtit kho Picardy ung a mi hta nak ah kya ci. A ni cu k’taiü nak lah mät no mät ng’ngahtüh ne Khanpughi yum äp nak ung k’tha na ne bi ciah kya ci. A kho kum 17 ung anu lah a pa shi ni hleih a u no phih kä ng’ngahtüh man ah Poor Clares Mamah ng’htoi un glut tu ciah kya ci. A ni cu khodok kä ng’leh ein ne htehhton ah läk lam gui awn om cu yum ciah kya ci. Franciscan Yahteih tumat ah kya ne khokum 8 k’tha na ne om ne ta a k’hngu ah a bi vai gah tu ciah kya ci. “ Kei cu ka gai ung phih kyai, kä gai ung phih kyai, ka ghün ung phih, ka shih ung phih kei ah m’lung ng’ngaih a van lah ka bi loh gui a van Khanpughi ah taimah nak vai, ng’müi m’cha gui ah pyhon nak vai lah Khanpughi no kei a na ghü nak ah bü ceng nak ah kya ciah ng’thong hlah nak vai bäng va kei no ka bi ba khai ah kya ci. Kei ka mät no kamät nang Boi am ka ning gänap ci ci-ne” a guk ah ca om ciah kya ci.
K’chang gui no ng’hngu ng’tuk püi ne ci tu lang pang u hleih phih Colette cu Pyinhtit , Flander, lah Savoy gui ung Mamah kyawng a k’thai gui co ne Mamah ng’htoi awng tang khai ah a k’thai ah pyang tham ba hnging ciah kya ci. A ni no a hnguh nak ah m’dang nak ung Khanpughi awn a k’hla ah ng’müi m’ca gui a polok k’htop ah yung kya vu ciah a hnguh cu kho hlik yah ung ng’kyak ciah k’dâmtui cu shüm ba hlak ciah kya ci. A cun ah a hnguh ung ka no tün ne maih ciah ng’müi m’cha hta gui ka vai ah a k’cum ah k’taigü pe gui ciah kya ci. K’chang shing tumat täi am a mät no a k’ni ah k’nga k’phlang nak awn k’chang a k’dâ yum nak ah ghünlu ung chühlo ba gui hngign ciah kya ci.
