Bä ciah Damasus ah ghinlu a mong

Bä ciah Damasus cu Christu kum (306) ung Roma Maanggo ung ng’tüi ciah kya ci. A cun yah ung Taigü ah kya lo ci gui kä chumah ein ne a mi ghinlu a mi gän ap vai ci ah läk lam vai gui kä om pha ciah kya ci. A pa cu Taigü tumat ah kya ci. Bä ca Damasus cu kä chumah ein ne htitheing nak ah awn a ghinlu gän ap ne a pa noh khanpughü ah mong lam a bi lo nak ah phaya kyawng ung Deacon ah kya lo ci. Christu kum (366) ung Papa Shangpughang Liberius shih hleih bä ca Damasus cu Papa Shangpughang ah kya lo ci. Hting ling ne hnguh hmat k’chang tumat ah kya ciah kya ne a ni cu bä ciah Jerome ca lat ne a guk ah Vulgate ( tuh chü Romen Catholic gui noh a mi mang ah ng’thu k’ni) cu k’bäi tu ciah bä ciah k’chang tumat ah kya ci. Papa Shangpughang Damasus cu k’chang gui noh htitheing nak awn cang lam ung a mi hngun pe ci gui ah bä ciah k’chang gui a mi u pa lo pi hti vai ah m’hlüng tai ciah bä ciah k’chang tumat ah kya ci. A ni cu Christu kum (384) ung shih hkeih Ardeatina Way ung om ciah a mät noh a coh ghüt ah phaya kyawng  ung a mi k’phuh ah kya ci.

Bä ciah Damasus ah ghung htot nak awn cang lam ung a hngun pe ci gui ah bä ciah k’chang gui u pa ne k’taigü ung Khanpughü ah keysu k’thagui a daa gah hning ah kiak ci.