Papa Shangpughang ah ng’thu
Dìmkyäp nak cu bi vai ah kya ci ci ne phupit vai ah mong gui hlü ci. Ng’tukah nak gui ah ng’ko gui nong ne bom awn k’chang gui lah k’chang gui ah im, khoh tang gui m’dí k’hmaih gui nong vai. A k’teng ah ng’shun kah nak gui ng’düm hlä. Ng’hta ng’ko ne dìmgei nak lam pyen vai. K’chang a k’dâ ah hngun, k’kyongkhui a k’dâ shi ciah kya ci. Ng’tukah nak cu k’pak’khui a van ah khan ah gok ciah k’hmaleim ah kya ci. A cun ah ng’tuk ah nak ah a hngu ah shih nak ,dídám nak, a ng’shon gui ung m’lung ah nak nak gui vah k’poih nak ciah kya ci. Dìm m’kyäp nak cu ng’ngaih cang vai vi ne pein ne kä gah ah kya ci. A cun cu mi mi gui ah m’lung kyong ah im tumat shui ne bi vai ah om ci ci ah ng’ngaih ah m’lung phukpit nak ah ng’thong hlat khai ah a k’hlä ah bi loh vai ah hlü ciah kya ci. Tuhchü yaica gein vai ci gui ah Ukrain k’chang gui lah kho m’dek khan ah ng’tukah nak ah phäh ah yai ca ci gui ka vai ah phih k’taigü vai, kho k’sho mi k’äih lo ah dìmkyäp nak cu mi mi gui ah kho k’hngüp ung a k’khang lo vai ah k’taigü vai ah kya ci. Thong khui k’om gui a van lot lo ba ne a k’hmo gui a mi nu pa gui am a mi m’ap ba vai ci ne Papa Shangpughang Leo no pyein ci.
