Levi chü ci.

Cun kon-ah, Báwi cuh, hteit nehtah Levi ng’mingnák ci-ah, ngùi k’phlám-láwk cuh, a khawn zùng im-ah hnguh neh  na läk-ä,” ci ci.  Ani phih, khawh-tang a k’om phung nawng ghüt neh ng’düí lo neh läk ci.

Levi nawh a mät-ah im-ah, Báwi cuh, akia-ah ’chinnak ci. Ngami-awn a ät-ah ng’hngan tu ci-ah ngùi k’phlám láwk gùi ni, a hei  k’chàng ng’bum gùi phih, a k’dá om ci gùi.  Cun gùi-ung, Pharisee gùi lah k’chü m’cäi k’süm gùi nawh “Nangmi a i-ah kia hleih ngùi k’phlám láwk gùi, kat bi ci gùi awn, nami èi áwk tu ci ang?” ci neh  a-hlu-läk gùi àm, nawm neh piéin ci gùi. Jesu nawh m’sàng bà gùi neh a piéin cuh, “Gàw ci gùi-ah phäh-ah, k’chàng m’gái k’chàng hlü ci. Ni ci gùi-ah kä kia ci. Kat bi ci-ah k’chàng gùi cuh ng’zu bà hlak gùi vai-ah, kei ka lo ci.