Bä ciah Andrew ah ghinlu a mong

Boi Jesu ah a htük pi bäih ah hluläk k’chang ah kya ciah bä ca Andrew cu Galillee khaw Bethsaida maanggo ung ng’tüi ci. A ni cu Yonah ah hta kya ne Simung Petru ah naa ah kya ki.

Boi Yesu awn kä mi ng’hnguh pha ung ngani cu a ni ng’phäi na k’tuik’phum Yohan ah hluläk  k’chang ah kya man ci goi ah kya ci. Andrew lah a phäi Petru cu nga k’shui goi ah kya ne nga ani shui yah ung Boi Yesu noh a hlu a ni läk vai ah a chü goi ah kya ci ci cu (Yohan 1: 35-42) 

htitheing ca muh Khanpughü a kyum lo ah (Pentecost) poi a om kon ah Andrew cu hteit hton ghüi ne Khanpughü ah mong lam gui htähla m’thei m’thang ciah kya ci. Yumtu ng’bum noh tu güt chüt hleih a däih ah a m’thei m’thang gui teng ah a kya ung Andrew cu Christu kum 50-60  ah ng’lak Greeck ghunkhaw ung om ciah Patras maanggo ung Na phyion gui ciah Boi Yesu ah shih nak awn täng ciah shing shing m’kang m’khang ung ka shih tu vai ah kä chin ci ci ne shing ng’kang a phei ung   taih ne a mi ngon ah kya  ci.

A ni cu shing m’khang khan ah ka no khaw hngüp goi pum khanpughü ah mong lam m’thei m’thang ghüt ciah kya ci. Andrew cu Rasia, Greek lah Scotland ghunkhaw gui ung Khanpughü ah mong lam bi lo ne a m’theim’thang man ah hlo ah Scotlandghunkhaw lah ghunkhaw gui ngäng m’htei ciah bä ciah k’chang tu mat ah kya ci.

Bä ca Andrew ah hlo ah m’lung m’yo nem nak ung mi ghinlu khanpughü am mi gän ap tu vai mi k’tha na ko.

Reference: Life of Saints (Written by Seminarians (Pyin Oo Lwin)