Papa Shangpughang ah ng’thu

M’lung ng’ngaih kä ng’hmat ne a ng’pai nak ah a ng’shün ng’phan ah phäh ah yaica gein vai ci gui ah Ukraine Ghunkho k’om gui awn ät ne k’taigü nak lah ät nak awn gunghtot gui vai. K’chang gui lah kho tang gui a mi m’dí m’hmaih nak vai ah a mi sheh ah Nuclear a ken lo pi hti vai ah kä om ein ba vai ah k’chü khan nak gui (New Start ca chuk ) m’hlüng ne bi ba vai ci cu a k’tung pi ah pyein ciah kya ci. Nuclear ng’tukah nak gui cu ken lo pi hti ne ghunkho tumat no tumat ah k’khan ah yum ne a k’bäi nak vai ah lam pyan vai hlü ci.

Ghunkho tumat lah tumat ah ng’lak ung dìmkyäp nak a om vai cu m’kyüh m’kyok ciah ng’tam ne a mi sheh, a mi pyantham gui a mi nong vai ah a van bi vai ah kya ci. Kyühkyok nak lah kä ng’ngaih gep ne kä yum nak ung ng’yung ci gui khe ne bi bi vai hlü ci. Dìmkyäp nak cu bi vai tumat ah kya ci lah gah vai tumat ah a kya lo vai ah k’chang van ah ni bä nak vai k’chü chah nak gui na m’shüm gui hnging khai ah läklam a om vai hlü ci. A cun ah kya hleih ghunkho gui ah ng’lak ah a k’ni ah m’htei ne bi a mi bi vai hlü ci ci cu Papa Shangpughang no pyein ciah kya ci.