A-hlu-läk gha-leigoi a tüih phàn gui.
Gha-leigoi cuh, chü gùi neh lèng neh k’hngih täi, k’hngih täi-ah tüi gùi neh ng’hloh-hngóm ci-ah khaw-’nget gùi ami m’chütnák vai-ah ã pe gùi nehtah, ngami àm a piéin lo cuh, “Lam hteh zah ung kavai ng’só-htung tumat kon-ah ng’zá, m’htut, chü-k’phein ung ngùi ung lèng neh a i phih kä nami hteh èin püi vai. Khaw phà-dawk läí cuh, ng’leh neh k’htù k’hngih phih kä nami ng’thuh vai.” Cun kon-ah, ngami àm a piéin cuh, “A hoi zah phih, im-ung nami-luh-ung, kä nami hteh bà phaphung-ung, a cun-ung nami om tu vai. 11 Kä ning dàw gùi neh nami k’chü phih kä ’ngài ci gùi ah a kia ung ngami-ung-kah hteit bà neh ami hmat-nák vai-ah nami khawphà ung-kah m’vut-khùi phih nami ’khawn ghüt vai.” Ng’Zu bà vai-ah màwng, piéin vai u neh ngami hteit ci gùi. Khaw-’nget a k’dá phih k’täm u neh gò-pài ci gùi a k’dá, ’chi-tui awn hlup neh m’gái ci gùi.
