Bä ciah Blaisé ah ghinlu a mong

A gon m’neh ci gui ah k’chang gui ghung m’htei gui ciah bä ciah Blaisé cu Christu kum 280 yah ung Amenia ( Mordern Turkey) ung om ciah ng’büh ng’mang be bä caih NuPa ung ka no ng’tüi om lo ciah kya ci. Christian gui ah ng’thei ng’thang gui a van a k’ni ah a ng’thei ng’thang tu kon ah Sayavon tumat ah kya lo ci. A cun kon ah Taigü Boi ah kya nak ci tu ne,  Amenia khaw ung om ciah  Sebastia maanggo ung Taigü Mang ah kya lo ci. Licinus shangpughang noh Christian k’chang gui yok’ka na gui ne a ci yah ung, a ni no m’tui m’hleih ne a m’htei m’hta gui man ah ngetngong ci gui ah  k’chihla gui ah om nak ah kuu ung dong ne ng’thup hlei chihla k’shui gui no nguh u ne bä ciah Blaise cu pha ne ta Armenia ung om ciah Mânggo Boi ah om nak ah a mi khah püi ah kya ci. 

A mi khapüi nak ah lam ung k’hngumi tumat no ngaguh  aak ne shi lo hlü ciah a hmohta cu a ni ah a mi khalopüi ah kya ci. Bä ciah Blaise noh a hmo hta ka vai ah k’taigü pe ne ci hleih a hmo hta cu gai ba ciah kya ci. A ni cu a kyä dukdei k’yokha na u neta a luk’khe m’chümpit ne a mi ngon ah kya ci. A ni cu gon awn seng ciah m’neh nak ung u pa ah bä ciah k’chang tumat ah kya hleih Bä ciah Blaise ah poi a gok lo ba täi hleih yumtu k’chang gui ah gon cu kawngki peit püi ah phayongtaing awn A Pa ni, a Hta ni, Htitheing ciah Muh Khanpughü ah m’ming Amen ci ne ng’taigü ah kya ci.