A thum-kip-lei-thum nak kyün hngüp

K’Chàng-ah Htá a lo vai-a màwng.

Cun tu pang-ah phih, cun-ah zái-cã thüi-hlèi kon-ah, cun-ah k’hngüp gùi ung k’hngi-mik m’sìng khai. ’Chã phih kä vai bà khai.  Khãn ài-hli gùi kiói lo khai gùi. Mòpí púm, thüng neh ng’gäí ng’gam lo khai gùi. Cun kon-ah, k’chàng-ah htá cuh, tài-mah hlüng-tàinák awn, khaw ng’mèi ng’cùm neh lo hleih hnguh lo khai gùi.            Cun kon-ah, ghü k’htän gùi cuh, m’dek ung-kah nawh a k’hlüng pí, mòpí-ah chüt ci lah, khàw-ghù k’phlì-a kah k’bum lo gùi khai-ah, Khãnhtapup gùi tüi lo gùi khai.

K’Thei awn m’tu m’tängnák cuh ’ngài vä. A ng’bàn tòi neh a hngah a luh lo-ung, chà ng’et lo ci, ci-ah hmat-ah kia ci.  A cun-a hlo-ah, asin-ah màwng gùi a kia lo nami hnguh lo-ung, a ng’et-ah m’kot-lo pèi-ah gok lo ci, ci neh hmat vä.                Nangmi àm a k’càng-ah ka piéin cuh, sin gùi ka piéin phung, kä kia pha ung sin-ah k’chàng gùi, kä maih pha khai gùi.         Mòpí lah m’dek maih khai goi. Kei ah k’chü läí kä maih khai. Cun cuh i-zah, i-k’hngüp vai cuh, Pá-ah kon-ah, a u nawh phih kä hmat ci. Khãnhtapup gùi-ah phih kiai, a Htá mät-ah phih kiai, kä hmat ci gùi.