Géit-ah ng’läh ng’an lo-awn a m’tu m’tängnák.

Cun kon-ah, a piéin bà mä cuh, Khãnpùghí-ah ghin-khàw cuh, m’dek-ah ’khãn-ah m’sí phú ci awn täng ci.  Mü-ah boh, k’hngüp-ah boh, a ih zah ung boh, a leh lo bà zah ung boh, a mät nawh kä hmat-ah, géit cuh, piò lo neh däm lo ci.     A i-ah kia hleih ci ung m’dek nawh ng’theih hlak neh mà neh a ghíng, cun kon-ah a vui, cun kon-ah a vui ’kiong-ah a tak-ah kia hlak ci. A hngin lo-ung a k’tén-ah ng’lín ha-gün awn ah man. A i-ah kia hleih ci ung hngìn lo neh âh vai-ah kia lo ci.

Cun kon-ah, a piéin bà mä cuh, Khãnpùghí-ah ghin-khàw cuh, a i m’tu m’tängnák awn, m’tu m’täng vai ang?      Cun cuh, anhtá-ùi awn täng ci. Cun-ah anhtá-ùi cuh, ng’lei ung géit-ung m’dek ’khãn-ah om ci phung-ah a ùi gùi-a tah zo tu pí  k’bäih láng neh,  ng’lih lo neh om ci-ah ãn ghing gùi phung-a tah däm tu pí  neh kia ci. A ng’bàn ng’lèing dá hleih ’khãn khaw ’kha gùi lo-u neh ng’bú piàng neh a k’hngim zi ci gùi.

Cun-ah m’tu m’tängnák a k’dá awn, ami hmat hnging vai-ah k’chü ng’htà neh m’dáng ci. M’Tu m’tängnák kä k’bòih-ah, kä piéin ci. A-hlu-läk gùi bäng läí àm, a k’ní-ah m’khawi m’cha neh m’thei gùi hngá ci.