Ng’yu ba vä ci neh leng neh pyein lo ci.

Johan pha neh ami chúm ng’za neh Jesu cuh, Galilee khàw-ah hteit bà nehtah Nazareth nawng ghüt neh Zabulon lah Nepthali khàw ng’gü, tui ’kàm pèi, Cãrpha naum pìgò-ah lo neh om ci. Cun cuh ce ng’sä Isaias-ah piéin a bé vai-ah phäh-ah kia ci.  A piéin cuh “Zabulon lah Nepthali khàw  tui ’kàm  pèi Jordan tui nú vang ’kàm-ah  khúi hei gùi-ah Galilee khàw,  A k’hmüpnák-ung om ci gùi nawh a ’khãng-nú hnguh ci gùi. Sih-nák nawh a sùng gùi-ah k’chàng gùi ung a ’khãng dáng lo ci.”  Jesu nawh “Ng’zu bà vä. A i-ah kia hleih ci-ung, Khãnmòpí khàwcuh ng’et lo ci néi,” ci neh m’thei m’cäi lo gùi ci.

Khanpughi ah ng’thu gah tu hnging vai cuh maa neh ng’yu ba vai hlü ci. Cun ung vah mät noh mät hmat vai cuh hlü ci. Hmät vai ng’tha nak vai hlü ci.