Serbia Mânggo ung ka Bä ciah Sava ah ghünlu a mòng

Bä ciah Sava cu Christu kum 1169 lah 1174 yah ung Dezevou ng om ciah Miscici ung ng’tüi ciah kya ci. A ni cu lutlo ät ciah a phäna gui ung a k’shui pi ah kya ci. A ni cu Yahteih tumat ah kya lo ne a mät no a mät Yahteih a kya vai ah kä chin ci, a kya ah k’tha ci ci-ne pyein hti man ciah kya ci. A ni cu a düm hta ah om ciah k’chang ah kyat u lang pang ne phih a ni ah lamshüm nak ah k’kaa ah om ci gui am a k’ni ah teng m’kyein gui ne om ciah kya ci. A k’hngip hngäi hta ah a ni ah khong mang ne a m’thei m’thei m’cäi nak gui cu k’hmo tho Yahteih gui ah phäh ah a kya ah bä ciah kya ci.

Serbs pakkhui k’chang gui ah a mi ng’phät nak Freedom a mi gah nak vai ah a kya ah k’tha na ne bi man ciah Prince Stephen Nemanya ah hta ah kya ciah Sava cu Bulgaria ung ng’tüi ne Christu kum 1191 ung Yahteih tumat ah kya lo ci. Khokum k’hma hlok sho lo hleih a pa no a hlüngtai nak nong ne a hta Sava no Khanpughi yum äp ne a k’taigü bi loh nak ah Yahhteih ng’htoi ung lut tu ciah kya ci. A pa lah a hta a ni nik’hngih cu Yahteih ah kya ni ne Athos m’htung ung Serbia Pakkhui k’chang gui ah thung-yo ah a tung pi ah kya ciah Yahteih kyawng nu tumat a ni coh ah kya ci. Sava cu ng’thu k’ni lah a hei ca gui phih Serbia ng’thu awn k’phlan ne gu ba ciah kya ci. Athos m’htung ung a ni coh ah Yahteih kyawng cu Khilandari ci ne a ng’ming a ni hlui ne a cun ah Yahteih kyawng ung a mät ah kut awn a guk ah ca gui cu a tuhgüt chüt a mi htin ah kya ci. A ni cu Christu kum 1235 ung shi ciah kya ci.