Ei hloi-ah màwng.

Johan-ah k’chàng gùi lah Pharisee gùi-ah k’chàng gùi nawh ei hloi ci gùi-ah kia neh “a i-ah kia hleih Johan lah Pharisee gùi ah k’chàng gùi ei hloi u hleih nang ah k’chàng gùi nawh kä hloi tu ci gùi ang?” ci neh Jesu àm piéin ci gùi. Jesu nawh phih ngami-àm, a piéin lo cuh, “K’Chucèi-mahnák-ah, ng’la tu ci gùi cuh, ’chu-mah ci ah k’pámihtá ngami awn a om tu zah púm ung ei hloi khai gùi ang? Ngamí awn k’chu-mah ci a om zah púm ung ei kä hloi khai gùi.  K’Chu-mah ci-ah k’pámihtá cuh, ng’la tu ci gùi awn, ami ng’pai lonák-ah k’hngüp gok lo khai. A cun zah ung vah, ngamí ei-hloi lo khai gùi. A u nawh phih. hlui-hlak a k’thài awn a k’phiüm cuh, m’dünnák neh kä chùi ci. Cun-ah ci ung m’dünnák-ah hlui k’thài nawh a k’phiüm èi hleih a téknák däm lo pí púi khai. Ca-pit tui k’thài phih ùm k’phìüm ung a u nawh kä than ci. Cun-ah ci ung ùm cipát hleih ca-pit tui ng’lèi zop neh ùm phih dí khai. Ca-pit tui k’thài ùm k’thài ung than màn.