Jesu nawh Levi a chü.

Pinle ’kàm pèi-ah hteit bà mä hleih k’chàng gùi avan cuh, ani ah lo chü-tah Jesu nawh ngami m’thei m’cäi gùi ci.         Ani, a hteh zah ung Alphaeus-a htá Levi cuh, ngùi k’phlam im-ah ngoh hleih hnguh neh ani àm, “Ka hngú-ah na läk lo-ä,” ci ci. Ani phih ng’düí lo neh a hngú-ah läk ci.

A cun-ah k’chàng-ah im-ah, èi ami èi zah ung ngùi k’phlám lók gùi lah, k’chàng kat-mah gùi cuh, Jesu lah, a-hlu-läk gùi awn a täng-ah ngoh neh eì vài tu ci gùi. A i-ah kia hleih ci ung ani a hngú-ah läk ci dá ci.  Báwi nawh ngùi k’phlám lók ni, k’chàng katmah ni gùi awn a èi tu cuh, Pharisee gùi ung-kah, k’chü m’cäi k’süm gùi m’sah nawh hnguh lo u neh “Nami saza ng’vái cuh, a i-ah kia hleih ngùi k’phlám k’lók gùi ni,  k’chàng katmah gùi ni awn èi tu ät ci ang?” ci neh a-hlu-läk gùi àm piéin ci gùi.  Cun-ah màwng cuh, Jesu nawh ng’zák neh, “k’chàng m’gái k’chàng cuh, gái ci gùi-ah phäh-ah kä kia neh gò ci gùi-ah phäh-ah hlü ci. Ni ci gùi kavai-ah kä kia neh se-’ci gùi ka chü gùi vai-ah phäh-ah ka lo ci,” ci neh piéin ci.