Yeisu Bawi Noh A Ma Mong Gui A Tün Nak
Yeisu Bawi cuh a kho kum thum kyip be lo hleih Nazareth mango cuh nong ghüt neh Khanpughü-ah mong lam gui k’chang gui-amm’theing tu gui vai neh hngün tumat-ung ka noh tumat-ah hteit ci. Yeisu Bawi cuh saya tumat-ah kia ci. Saya ci cuh k’chang gui-am i hlo k’cha om ih vai ci gui cuh m’thei ci-ah kia ci.
Yeisu Bawi cuh k’chang gui-am Pa Khanpughü-ah mong lam gui m’thei gui ci. Ani noh Khanpughü-ah mong k’chang gui noh ami hmat lo pi hti vai lah Khanpughü i hlo k’cha m’hngi vai mong gui cuh m’thei ci. Mango tumat-ung ka noh tumat-ah ng’lung ng’lang neh Khanpughü-ah mong lam cuh m’thei gui ci. K’chang gui noh ani cuh läk u neh a m’thei m’cäi gui cuh ng’ngai tu ci gui. Ngami gui cuh hlu läk ng’shä gui-ah kia lo ci gui.
Yeisu Bawi noh ani-ah ni tu hnga ca ma mong gui cuh gung tu khai gui-ah k’chang hngei gui cuh ng’ya hlü ci. Läk tu ci gui cuh ami nupa k’chu hta gui nong ghüt neh Yeisu Bawi cuh läk tu ci gui. Ngai mi gui cuh hlu läk ng’shä (12)-ah kia ci. Ngami gui cuh Bawi-awn atäng-ah om tu u neh a m’thei m’cäi gui cuh ng’ngai neh läk tu ci gui.
Ngami gui cuh Bawi-ah hngu läk tu ca k’chang gui khong mang neh gung tu ca ak’tung pi k’chang gui-ah kia ci. Ngami gui-ah hngün thong ca k’chang gui-am tuhchü k’taigü Mang ci neh chü gui-ah kia ci.
Hlu läk ng’shä gui cuh a k’htük pi-ah hlu läk ng’shä gui-ah kia u neh k’taigü Mang gui cuh ngami-ah hngün thong ca k’chang gui-ah kia lo ci. Yeisu noh k’hmaw hta gui cuh m’hngi gui neh apa Khanpughü noh phih k’hmo hta gui am’hngi gui-ah mong cuh am’thei m’thang nak gui-ung phih pyein ci. A k’hmo hta gui-am ami nupa gui-ah k’chü ami ng’ngaih vai lah hmo hta gui-ah hlo-ah kä kia tu ci cuh Khanmopi-ah kä gok tu khai-ah mong cun phih yein ci.
