Bä ciah John Newman ah ghinlu a mong

Amarican Taigü Mâng gui ung maapi k’bäih ne bä ciah k’chang ah kya lo ciah John Newman cu  Christu kum 1811 March k’cha 28 hngüp ung Bohemier ung ng’tüi ciah kya ci. American ghunkhaw ung Khanpughi ah mong lam gui thähla m’thei m’thang hlü ciah m’lun nga cu om ge ciah kya hleih Taigü ah a kya lo tu nak vai ah hnguh hmat vai hlü ci- ah ca gui a ng’thei ng’thang tu yah ge ung Amarican khaw ah a mi tüih ah kya ci. Christu kum 1836 ung Newyork Mânggo ung Taigü Boi ah kya lo ne Bufflo mânggo peit ung om ci gui ah Jerman k’chang gui ah phäh ah kho kum k’phli bi bi ciah kya ci. Christu kum 1840 ung a ni cu Htitheing ne k’pyhon ciah Boi ah ng’htoi ung hteit ne m’thei m’thang ciah kya ci.

Philadelphia Mânggo ung Taigü Mâng ah kya ne leng ne bi a bi lo yah ung ka no Phaya kyawng gui, Taigü Boi ah kya tu hlü ci gui no hnguh hmat nak gui a mi ng’thei ng’thang tu nak vai ah (Seminary)  k’thai gui ci co ciah kya ci. A om nak ung ka a hto ng’nooung  gui ah ng’mü m’chang lam a hlüngtai vai ah Taigü kho gui hteit hton ghüi ne hto k’shäm tunmat ah k’chü m’gein nak lah m’hngi nak gui cu m’dang gui ciah kya ci. A bi loh gui daa hleih a bongbai nak awn a ni cu Christukum 1860 ung Philadelphia Mânggo ah shih ciah kya ci.