Bä ciah Elizabeth Ann Seton ah ghünlu a mòng
American k’chang gui ung kah maapi bäih ne bä ciah k’chang ah kya lo ciah Elizabeth cu ng’büh ng’mang ciah Protestan k’kyawng khui ung ka noh Christu kum 1774 ung New York ung ng’tüi ciah kya ci. A nu cu a ni a hmo hta yah ge ung shi ciah kya ci. A pa cu Saya von tumat ah kya ci.A ni cu Christu kum1794 ung William Seton awn ng’khah ni ne, a ni hta k’hmo k’hma gah ci goi ah kya ci. William Seton a shih kon ah Elizabeth cu Catholic a teihpüi gui a kya ah k’chang k’chü m’gein thei ci gui ci-cu hnguh lo gui ne, Catholic m’thei m’thang nak gui yum lo ci kya ci. Protestan a teihpü gui noh kä yum tu lang pang u hleih phih Elizabeth cu Christu kum 1805 ung Catholic yum nak ung lut tu ciah kya ci. Khokum k’thum be lo hleih, Christu kum 1809 ung Cathoilic a k’hmo k’chang gui ca a mi ng’thei nak vai ah St. Joseph kyawng cu Maryland ung om ciah Emmitsburg manggo ung co ne a cun ung a ng’vai pi tu mat ah kya lo ciah kya ci.
A ni cu Christu kum 1821 ung shih hleih a k’chuk nak Papa Shangpughang Paul no Christu kum 1975 ung Elizabeth Ann Seton cu Bä ciah k’chang ah kya ci ci-cu yumtu ng’bum am thähla m’thein kan ciah kya ci. Bä caih Elizabeth cu Catholic kyawng gui, hmei nu, hmei hta, ca m’thei ci gui ah Saya, Sayamah gui ghung m’htei ciah bä ciah k’chang ah kya ci.
