Jesu nawh m’sinák a gah tu-ah màwng.

Cun kòn-ah, Jesu cuh, Tui k’phùm Johan-a kah m’sinák a gah vai-ah Galilee khàw-a kah Jordan tui nú-ah lo ci.  Johan nawh ani cuh, mã-na neh “Nang nawh vah, kei na nà m’si vai-ah kia chü-tah nang cuh, kei-ah na lo,” a ci.  Jesu nawh phih, “Tuh-bäih, asin-ah kia cang hlä. A i-ah kia hleih ci ung bi vai cuh, asin-ah bi vai-ah kia ci,” ci neh m’sàng bà hleih a cun kon-ah, Johan äí ci.  Jesu cuh, tui ung a ng’phùm kon-ah, a k’tén-ah lut lo bà ci. A cuvai àm, Khãnmòpí k’soh cuh, ng’hmòng hleih, Khãnpùghí-ah Htí-théing ci-ah Muh cuh müm htá-a hlo-ah kia neh a’khãn-ah, a ngoh cuh, hnguh ci.  A cun vai-àm, Khãnmopi-a kah nawh “Sin cuh, a ng’htéi-ah ka m’hni-ah ka htá néi,” a ci-ah k’áw ng’zák ci.