Papa Shangpughang ah ng’thu

Boi Yesu Christi ah Christmas poi ah a k’khan nak ung dìmkyäp nak a om vai ah a ng’däih ah mi k’tai ghü ko. A k’tung pi ah ng’tuk-ah nak ah phäh ah yai ca nak gui buiawt ne kya ci gui ah k’kyawng khui gui, a k’hmo hta gui, ghü ng’vai lo ci gui lah a mi ghünlu ung a mi buiawt gui ah phäh ah a mi m’lung thüi hlei loi ci gui ka vai ah mi k’taigü tu pe gui ko. Nazareth mânggo ung om ciah Htitheing ciah k’kyongkhui no a mi na k’taigü tu peit nak awn a täng ah mi mät no mi mät mi ng’cut tu ko. Aungtang nak lah ci nak hnging no m’hngi nak kä pheng ein hlä.  K’kyawng khui ci nak ci cu mi mi gui ah ghün  om nak ah k’chang gui ah hngu ah ng’gen am nak, ng’ngaih kä ng’hmat nak gui lah mät hta om vai hlü ah ng’ngaih nak gui ung ng’dang ciah a k’khang ah kya hnging ci ci-cu pyein ne Boi Yesu a ng’tüi lo kä sho pha hleih Herod Shangpughang no a ngon nak hlü nak ung ka no a mi pyhon vai ah a mi dong ah mòng awn m’tung m’täng ne pyein ciah kya ci.

Kho m’dek cu tuh-güt chüt a cun ah Herod cu om ciah kya ne kä taga ne hlehlak nak gui awn k’chang gui k’khan ah kalu tak nak gui om hleih mät hta om vai hlü ah ng’ngai ne ng’cha ng’lang ne thüi hlei nak gui awn ghülu peit tak nak gui cu om ciah kya ci. Cun tu pang ah phih a cun gui no Christian k’chang gui ah m’hngi nak ah mei k’däi kä m’shih ein hlä. K’kyawng khui k’om gui ah htitheing ciah k’taigü ne mät ah kat gui ah phäh ah a k’ni ah kat phleh ne Boi Yesu ah a shihla ei ok vai lah tumat no tumat yei na hleih ng’hta ng’ko ne a hngüp täi om k’ih ng’hta ng’ko gui long hta hleih om nak awn Khanpughi ah k’chü m’kha a phu däm ci ci-ne hmat vai kya ci ci ne Papa Shangpughang no pyein ci.

Source: Vatican News