Papa Shangpughang Leo ah ng’thu

Papa Shangpughang Leo no mi mi gui ah m’lung cu yeikyai vai gui na nong pe gui ciah a k’hngüp täi bi loh hngün hngok nak gui ah kä kya ne Khanpughi bäng ung vah cang ciah ng’düm nak mi hnguh ci. A k’cum ah hteit hton ne bi loh vai bäng bäng mi ng’ngahtüh ci. A í bi nak ung phih mi bü ceng gui a aung tang yät vai hlü ci. Kho m’dek lam ah hlü ci ah ta Boi Yesu ah a ghün lo ba ah mong lah Boi Yesu a ghün lo ba cu mi mi gui ah a k’hngüp täi ghünlu ung a í hok kya gok hnging ci ci cu a k’tung pi ah ng’ngahtüh vai ah kya ci. Mi mi ah yum nak cu mi hnguh khai. A cun ah kya hleih dímkyäp nak lah yeikyai nak ung mi om khai. Mi mi gui ah mi ghünlu ung mi ghü vai gui, yaica thüihlei nak gui lah bi lo vai ah mong gui awn be ciah kya ci. A k’daa bi hnging cu ng’kyüm be nak na pe ciah kä kya ne dìmgei khai ah om nak na peng pe ne ghünlu ung a k’cang ah hlü ci gui na kang pe gui ciah kya ci.

M’lung cu k’chang gui a van ah ghünlu ung a k’tung pi ah kya ci. ng’ngahtü, thüihlei, ng’yakhlü gui ah ng’don, mi mät no kä mi hnguh hnging ah a lai ung om ciah kya ci. Mattew ng’thu k’ni ung mi khoh tang gui a van mi htin nak cu mi m’lung ah kya ci ci cu om ciah kya ci. A k’shäng ta didam khai ah kho m’dek khoh tang gui ah kä kya ein hleih Khanmopi lam khohtang gui m’cut vai hlü ci.

Source: Vatican New