Bä caih Dubricius ah ghünlu a mòng

Bä caih Dubricius cu Wales kho ung om ciah Yahteih ng’htoi m’düih ciah kya ci. Christian yumtu ng’bum khänghtek khai ah a gunghtot nak ung Wales kho htum kho lam ah ka no lo ciah Malam ah ka k’chang k’bä gui ung ka Dubricius cu maapi k’bäih ciah kya ci. A ni ah ghünlu a mòng a mi guk nak ung a ni ah ng’hta ng’ko nak ung k’con kha lom ne ng’hta ci ci ne a mi guk ah kya ci. Dubricius cu Samson ci ne ng’ming na ciah Yahteih tumat Cartage Yahteih kyawng ah a ng’vai ah a mi k’hmoh khon ah a ni cu Taigü Mâng ah a mi k’hmoh ah kya ci.

Samson ah a ghünlu a mong k’chang a k’daa no hmat lo hleih Dubricius k’chang gui a mi ngiah tu lah a mi yum m’nai tu gui cu a k’tung pi ah kya lo ci. Alfred Lord Tannyson cu Coming of Arthur ci ah ca uk ung Dubricius a m’tam nak ah ca guk ciah kya ci. Dubricius cu Shangpughang Arthur thínan a khai yah ung luchüm k’bün man ci ci ne a mi pyein cun phih om ciah kya ci. Dubricius cu a kya ah ghü lo ne Bardsey k’pyha ng’tang ung om ne Christu kum 545 ung shi ciah kya ci.