“Jubilee of Education” bi ci gui.
Mindat k’taigü mang o ung om ca Lukse, Shet, Kitha ung om neh ng’thei tham nak bi ci gui cuh Khanpughi m’tam nak vai ah Jubilee k’hngüp ung ng’bum neh a mi bi nak cuh Lukse ung November k’cha a k’cheit nak ung bi ci gui ah kya ci. Cun a k’taigü nak ung Mindat Diocese ung K’taigü mang a kya ca Augustine Thang Zawn Hung noh khong mang hleih Kitha Bawiphaya, Shet Bawiphaya, Lukse Bawiphaya ni lah Ca ng’thei tham ci gui lah m’thei ci gui ah Sayasayamah gui phya k’thum vai lo neh k’taigü ci gui.
A cun ung k’taigü mang Augustine Thang Zawn Hung noh pyein neh” A k’ni a k’se m’cha neh hnguh hmat nak cuh “pyinyaj” ah kya ci. A k’ni a k’se m’cha thei vai nami ng’theitham nak cun nami hnguh hmat a hlo ah nami om kya thei vai hlü ci. Saya Sayamah gui cuh ng’theitham ca k’hmo gui kavai a k’ni ah om vai hlü ci” ci neh avan on m’thei m’cäi gui ci.
Missa gänap nak ng’pyi lo hleih, a ng’ming thang ca k’chang tumat noh a pyein cuh ng’ngai ci gui. Cun kon a k’hngüp ei ami ei nak on m’chüip ci gui ah kya ci. Kyüh kyok yah ung shin a bi hnging a phäh yah Khanpughi shüm hmat yeikyai ci gui.
