Malaysia Bawiphaya gui noh “Media kyüh nak” cuh ami nong vai.

Asia ghün kho ung ka Catholic Editors gha-lei-ät gui cuh ng’bum lo u neh k’hngüp goi ami ng’gei ng’shoi nak ung ” a i ah ät neh bi bi vai, shin a ghün kho ng’thong hlat nak ung mikmi phih mi on tu thei vai hlü ci lah Media cuh a k’ni ah mi bi tu thei vai cuh hlü ci.

A i phih Pyein ung k’chang noh hmat ci. Kä pyein ung u noh kä hmat ci. Cun a kya hleih Media cuh Khanpughi ah mong lam mi hmat vai ah mi bi vai kya ci. K’chang gui noh ami hmat vai Video a k’ni gui ah pyang neh phih kyai, ng’thu k’ni pyein nak on phih kyai, k’chang gui noh Khanpughi a mong ami hmat vai cuh Media on pyein vai ah kya ci ci.

Malaysia ung om ca Bawiphaya gui cuh Media-shy ci ah video ung ami pyein vai ng’aa ci gui ah kya ci. A i phih mi pyein ung vah k’chang gui noh hmat khai gui. Bawiphaya gui, k’taigü Mang gui noh kä mi pyein ung ng’thu k’ni cuh u noh kä ng’yak khai ah kya ci. Bawi ah mong m’thei vai ah Catechism cuh hlü ci. Seminiary ci ah Baiwphaya kya khai gui bäng mm’thei vai kä kya ci. Media ung phih mi k’o a lut lo vai hlü ci ci neh pyein ci gui.