Bä caih Elizabeth ah ghünlu a mòng
Bä caih Elizabeth cu Juda pak’khui k’chang Taigü tumat ah kya ciah Zachariah ah k’chu ah kya ci. A ni cu a hta ka om ciah shing ciah k’hngumi ah kya ci. Ng’thu k’pyhüm ung om ciah Sara lah Hana ah hlo ah a ni cun phih ghü lo püi ciah kya ci. Zachariah no Jarusalem Mânggo ung om ciah phaya kyawng ung Taigü k’tung gui no a mi läk a mi bi loh gui man gui a bi loh yah ung a kya ah ghü lo püi caih a k’chu Elizabeth no a k’hmo gah khai ci ne Khanpughi ah ng’shä Khanhtapup Gabriel no hteit ne a m’thein ah kya ci.
K’cha k’chuk be lo hleih Elizabetha ah a ng’nam na ah kya ciah Maria cu kyämah ne k’pami hta ah hta khai ci ne ng’shä ciah Khanhtapup cun phih a cun ah Gabriel ah kya ci. Luka ng’thu k’ni ung Maria cu Elizabeth ah om nak ah hteit ne om caih kya ci. Elizabeth no Maria cu do ne “ k’hngumi gui ung nang no a k’ni pi na gah ci. Na hta Yesu no phih a k’ni pi gah ci (Luka 1: 42) ung pyein caih kya ci. Elizabeth cu Maria ah k’o a ng’yak vai am a kyä k’kyong ah a k’hmo cu yei tu ne hngün caih kya ci. Elizabeth cu k’cha ng’kyüm lo ne hta lo hleih a cun ah a hta cu Yohan ci ne a ng’ming a mi hlui ah kya ci. A cun ah k’chang cu tui k’phum Yohan ci ne yum tu ng’bum ung van no a hmat lo ah kya ci.
