Shih ci gui ka vai k’taigü nak k’hngüp

November k’cha a k’hngüp goi k’hngüp cu shih pi ci gui ah ng’müi m’chan Khanmopi kho k’dei hnguh tu u ne yeikhai ne a mi om tu hnging vai ah k’taigü nak peit gui ah k’hngüp ah kya ci. K’kaa kho ci cu kat nak kä däm ein hleih shih ci gui, kä cun ah a kya ung a mi kat nak gui ah phäh ah a k’ni ah ng’yu ba ne k’kat k’pyhon nak kä gah tu pha ci gui Paradisu ci ah yei kyai nak ung kä mi gok tu pha ung a mi ng’müi m’cha a mi m’theing m’htaih nak ah kya ci.A cun ah ng’müi m’cha gui cu m’htei kho k’yo ung a mi om yah ung Khanpughi ah k’chü a kya ah hnguh hlü u ne Boi ah k’chü m’gein nak u hlü hlah ci gui ah kya ci. Khanmopi yeikyai nak lah m’htei kho ci cu a ng’shün a ng’däih ah om khai kya tu lang pang hleih phih a k’hngu pi ah m’cha m’lang nak ung m’htei Kho ci cu maih khai ah kya ci.

Kho m’dek k’khan ah ghüng ne om ci gui no m’htei kho k’yo ung om ciah ng’müi m’cha gui Khanpughi ah k’chü m’gein nak gah ne yeikyai nak ung a mi gok tu hnging vai ah mi peit tak nak, mi ng’khai nak gui awn phih kyai, k’taigü nak awn phih kyai, Missa shang ne gänap nak awn phih kyai mi gunghtot hnging khai ah kya ci. M’htei kho k’yo om ci ciah m’dang nak hnging cu Maccabi htamaing 12:46 a k’hngih nak ung mi hnguh khai ah kya ci. Yuda Maccabeya no shi ci gui ah ng’müi m’cha gui Khanmopi ah a mi gok tu vai ah kat pyhei nak bi pe gui ci ci ne om ciah kya ci.