Bä ciah k’chang gui a mòng

Novenber a htük nak hngüp cu Bä ciah chang gui ah poi hngüp ah kya ci. Bä ciah k’chang gui cu  Paradisu ci ah Yeikiai nak ung Khanpughü awn a täng ah om ne Boi awn a däih ah ng’pong ne om nak ung yeikyai ci gui ah kya ci.  Bä ciah k’chang gui ung a k’daapi cu nga mi ah a mi yum nak ah phäh ah a mi hngun pe ne a mi shi awn yumtu k’bum cu gunghtot ne cho tuk ci gui ah kya ci. Nga mi gui ung ka a m’sha cu yumtu k’chang gui no a mi hmat ah bä ciah chang gui a om a hlo ah a k’daapi cu na tüipyang gui ciah Khanpughü tumat bäng no va hmat ciah kya ci. (Mik-hnguh 22:4) ung om ci cu “ Ngami no Khanpughü ah hmai hngu khai gui. Ngami ah ami m’calai ung ami ng’ming guk pe gui khai” ci ah a om a hlo ah ngami gui cu Khanpughü ah ma ah Boi ng’mangchum na ne m’shumchuk nak ung yeikyai ne om ci gui. Bä ciah chang gui ung a m’sha cu a hngun pe ci a om a hlo ah a m’sha cun phih a hngüp täi a bi loh gui a k’ni hta bi ne m’lung k’ni awn läk lam gui a ni ah a mi läk nak awn bä ciah chang ah kya lo ci gui ah kya ci.

Mi k’mi gui cun phih khaw hngüp ät ung bä ca chang tu mat ah mi kya lo tu vai ah Boi noh na chü gui ca kya hleih yum nak ung khänghtek ne m’lung k’ni awn mi ghinlu cu a k’ni hta ah mi peit tak hnging vai ah Khanpughü awn a täng ah om ne mi k’mi gui kai vai na k’taigü pe gui ca bä ciah chang gui am mi ng’huik’pa na ko.