Jerusalem Mânggo ung ka Bä caih Narcissus ah ghünlu a mòng
Narcissus cu Jerusalem Mânggo ung om ciah Greek pak’khui k’chang tumat ah kya ci. A ni cu Jerusalem Mânggo ung ngoh ciah Taigü Mâng gui k’chang shing 180 ung tumat ah a kya lo tu yah ung a ni ah khokum cu 80 ah kya pyi ciah kya ci. Cun tu pang ah phih a ni cu yumtu ng’bum a kya ah bä khai ah pyam tham ne ghung m’htei ciah kya ci. A ni cu k’chang gui no a kya ah yum ngak ne a mi m’nai tu ah kya ci. AD 195 ung a mi ng’bum nak ah Coucil ung Narcissus k’chang gui no kä mi yum läk tu hlü ah mong lam tumat a phuk pit om ciah kya ci. Judea k’cahng gui ah Paschal Poi a mi bi nak vai ah kho k’hngüp a ge ah khän vai ah mong cu om lo hleih a ni no a pyein cu Yumtu ng’bum ah phäh ah Paschal poi cu cun k’hngüp ne ci ne kho k’hngüp khän vai ah kä kya ci.
Kyün k’hngüp bi vai ah hlü ci ci ne pyein ci. A cun ah a pyein ah kyün k’hngüp cu Constantinople k’hngi kayak nak lam ah om ci gui ah yum cik’tu ka vai ah kya lo ci. Kho cha a k’htük khngüp , a k’htük pi k’cha lum a ng’päng nak maa pi k’bäih ne kyün hngüp ung bi vai ah kya ci. Narcissus cu a cun ah a mi m’lung kä ng’thong ng’hlat hlü ciah k’chang gui a mi k’bäi gui man cu Jerusalem ung om ciah yum tu ng’chang gui m’dí na gui ciah kya ci. A cun ung ka no tün ne Taigü Mâng Narcissus cu ng’hngu ng’tuk lo püi u ne, Kä ni ciah ng’pyein lo u ne a mi hle ah a mi k’puk lo ah kya ci. A cun ah kya hleih Constantinople ung om ciah yumcik’tu cu a kya ah m’lä m’khang u ne Taigü Mâng Narcissus cu kä mi yum m’dang lo u hleih yumtu ng’bum ung dìkyäp nak kä om lo ba ciah kya ci. A cun ah kya hleih a dìkyäp ba vai ah phäh ah Narcissus cu ng’düm ciah kya ci.
A cun ung ko no a mät hta om ne läklam gu awn Yaheih tumat ah kya ne k’taigü khai ah hlalai maa ah htei ne läk lam gui awn a ghünlu k’däih ne om ciah kya ci. A k’hngu ah Jesrusalem Mânggo dìmgei lo ba hleih Jersalem Mânggo ah htei ba ne Taigü Mâng ah kya ne a bi loh vai gui k’däih ne bi ba ciah kya ci. A ni cu Jerusalem ung Taigü Mâng ah kya ne bi bi yah ung ka a ni ah mòng a ni ah mòng lam gui a mi pyein man om caih kya ci. Pashcal poi do nak ah mü ah phaya kyawng ah m’däi vai ah si mei a kä om yah ung Narcissus no a ng’et ung om ciah tui lak hlak gui ne k’taigü ne ta si mei im ung a cun cu a lon hlak gui ah kya ci. Jerusalem phaya kyawng ung a cun ah cäicat vai gui cu tuhgüt a mi htin kho kum sho lo ciah kya ci.
