“Catechist’s Feastday” ci neh Tamahsaya gui k’taigü ci gui.

October k’cha a gha-lei-cheit nak 18 cuh bä ca Luke poi k’hngüp a kya ci. A cun k’hngüp cuh Tamahsaya gui ngäng m’htei ciah Luka poi a kya hleih Shet parish lah Kitha parish ung om ca Khanpughi ah bi bi ci gui ah Tamahsaya gui cuh Ng’yayaw pigo ung ng’bum neh k’hngüp a coih k’taigü ci gui. Cun a k’taigü nak ung maneh Bawiphaya Ling Maung noh a cäi nak gui ung ” Shuh shan nak cuh Khanpughi ah bi bi ci gui ah phäh a k’tung pi ah kya ci. Kä mi ng’ tän en vai ah mi ng’shohtung cuh k’taigü nak a kya ci. Khanpughi ah bi mi bi yah ung Khanpughi cuh mi m’hmih man ca kya ci. Cun a kya hleih Khanpughi ah bi bi nak ung k’taigü neh bi ung ng’hloi tu ba ci” ci neh pyein ci. Cun kon a Sikputi on k’taigü nak, k’phyion nak bi nak lah Missa gänap nak cuh 11:15 ung leng neh gänap ci gui. Bawiphaya Nicholas Ghung Thang Se noh khong mang neh m’cäi nak ung ” bä ca Luke among lah Tamahsaya gui among cuh m’toi neh pyein ci. Tuhchü ng’tuk yah ung mi pigo lawng yung ung mi pyantham vai gui hlü ci” ci neh pyein ci. Missa gänap nak ng’pyi lo hleih Bawiphaya Naing Shui noh k’thagui peit nak m’chü pyein ci. A cun a k’taigü nak ung Bawiphaya k’thum lah Tamasaya gui gha lo ci gui. K’taigü nak a ng’pyi lo kon a Saya Thang Yom a im ah hteit neh K’hngüp ei ei ci gui a kya ci. A cun kon a ami om nak phäh phäh ah hteit ba ci gui.