Bä ciah Acca ah ghünlu a mòng
Bä ciah Acca cu Christu kum 660 phe lang yah ung ng’tüi ciah kya ci. A ni cu Northumbrain pak’khui k’chang tumat ah kya ne k’chang gui ah phäh ah teihpüi k’ni tumat ah kya ci. A ni cu bä ciah Wilfrit awn a täng ah khokum 13 peng peng hteit htong gui ne Khanpughi ah mòng lam thähla m’thei m’thang ci goi ah kya ci. Bete no a guk ah ca a m’sha ung a ni ah mòng gui guk ne a mi m’dang cu om ciah kya ci. Pater Myat ah yumtu ng’bum lam ah ngoiä chüt shüm hmat lä vai ah a guk nak ah ca uk ung Acca mät no a guk ah ca gui cun phih om ciah kya ci.
Bä ciah Ambrose no a guk ah ca uk cu a kya ah ng’shäi ne k’khei ne hmat vai ah ng’ngahtüh chit ah kya hleih Luka ah ng’thu k’ni k’toi hta düt ah hmat thei vai ah a k’ni ah a guk vai ah Pater am a k’nga k’phlang cun phih om ciah kya ci. Acca cu England ghunkho ung om ciah Hexham Mânggo ung Taigü Mâng tumat ah kya lo ci. A ni cu ng’äi a ng’äi ung a k’o a kya ah ni ciah kya ci. Yum nak lam ung m’cu ah ng’äi gui a k’ni ah k’chang gui no yum ne ng’äi ah kya ci. Bä ciah Acca cu a kya ah a m’neh m’oh a gooi nak a í nu k’hma kä om ein hleih shih hleih Hexham Mânggo ung a mi k’phuh ah ciah kya ci.
